General Santos City–Pormal nang napasakaan ug kasong pag panglugos ang usa ka Dexter Abuda Manikat, 23 anyos usa ka gwarya ug residenti sa Alunan, Barangay Bula Gensan kansa una nang nasikop sa mga personahe sa Police Station 6 niadtong milabay nga Sabado sa buntag sa mismong giabangan niining boarding house.
Sumala pa ni PCI Donald Cabigas ang hepe sa Police Station 6 nga nagpatabang matud pa sa ilahang estasyon ang inahan sa 12 anyos nga biktima human gilugos matud pa kini sa supect sa boarding house niini.
Pugsanon matud pa nga gidala sa suspect nga si Manikat ang biktima ngadto sa iyang lawak ug didto gibuhat ang pagpang lugos. Maayo nalang misumbong gilayon ang bitima ngadto sa iyang inahan hinungdan nga gilayon nasikop ang suspect.
Gikumperma usab ni PCI Cabigas nga basi sa resulta sa medical sa bata, positibo kining nahilabtan.
Sa kasamtangan nagtingkagol ang suspect sa selda sa Police Station 6 samtang gipaabot nalang sa kapulisan nga magpakanaug ug commitment order ang korte aron nga mabalhin kini sa Gensan City Reformatory Center. (Dave Silagan)
