General Santos City–Daan nang dunay bangi ang biktimang security guard nga si Martiniano Quintanes, 36 anyos, residenti sa Purok 5, Aknalan, Barangay Polo, Polomolok, South Cotabato kansa una nang gipusil patay sa iyang bayaw nga si Eleseo Paulin, usa ka gwardya residenti sa samang lugar.
Sumala ni Police Sr. Inspector Romeo Albano, Deputy Chief Of Police sa Polomolok PNP nga dugay nang adunay dumot sa matag usa ang mga nahisgutan ug human nilang nag inum niadtong Domingo sa gabie, natigayon ang pagpamusil.
Dugang pa ni Albano nga posibling naukay ang kanhing bangi sa duruha dihang sila nangahubog ug bino nga misangko gyud sa pagpamusil.
Subay sa pahayag sa mga testigo walay armas ang biktima niadtong tungura gumikan iya nang giturn over ang iyang service firearms human sa iyang duty. bugtong ang suspek lang ang adunay gigunitang pusil niadtong higayona.
Nasayran nga human sa pagpamusil misibat gilayon sa suspetsado sa wala sayring lugar .
