General Santos City–Abli na ang mga Gym ug uban pang fitness activity ilawom sa MGCQ basta 50% lang sa kapasidad sa ilahang kleyente ang ilahang tugutang makasulod.
Sumala kang Atty. Arnel Zapatos, City Administrator nga lakip sa mga gi-ablihan mao ang mga kids leisure sulod sa mga mall apan kinahanglan nga ipatuman gihapon ang minimum health standard.
Pagbutyag pa ni Atty. Zapatos nga adunay mga establishemento ang mismong nagsubmitar ug mga ipatuman sulod sa ilang pasilidad sama sa gym aron nga matugutan sa Regional Inter-Agency Task Force ang ilang operasyon.
Subay matud pa sa mando ni Mayor Ronnel Rivera nga tanang mga requirements ilang sutaon aron sayron kung nagatuman ba ug saktong protocol ang mga nahisgutan nga mga establishemento.(LVR)
