General Santos City–Nagpadayon ang gihomong imbistigasyon sa Police Station 2 sa nahitabong pagpamusil sa 52-anyos nga si Tito Lingko alyas Nonoy, kanhing striker o habal-habal drayber sa PNP Regional Training School 12 sa Purok 6, Lanton, Barangay Apopong pasado alas-8:42 kagabie Dominggo (November 25, 2018).
Sa gihimong imbestigasyon sa Makar Police Station 2 samtang anaa kini sa lugar, kalit kining giduol sa wala mailhing suspek dayon gipusil pila ka higayon nga hinungdan sa iyang kamatayon.
Nasayran nga human sa pagpamusil, paspas nga misibat ang suspek samtang ang biktima wala na nadala pa sa ospital human nga nakabsan gilayon sa iyang kinabuhi tungod sa mga samad nga naangkon niini.
Sa pag-imbestiga sa PNP – Scene of the Crime Operatives narekober ang slug og empty shell sa gituohan nga .45 caliber pistol nga gigamit sa gunman pagpusil-patay sa biktima.
Sa karon nangalap og dugang impormasyon ang kapolisan kabahin sa motibo sa krimen.
