KALIBO, AKLAN — Dakop sa ginpatigayon nga buy-bust operation rong sangka habal-habal driver sa may Sitio Pinaungon, Brgy. Balabag, Boracay, Malay, Aklan kaina it aga-aga.
Rong suspek nakilaea kay Mark Gerald Octaviano, 26-anyos, native it Pototan, Iloilo ag presente nga naga istar sa Sitio Pinaungon.
Nadakpan ro suspek matapos nga mabak-ean it sangka sachet it shabu ko mga operatiba kabaylo it 600 pesos nga buy-bust money.
Sa gin patigayon nga body search sa suspek, dugang nga 4 pa gid ka mga sachet it ginapatihan nga shau rong nabuoe kana.
Ginpatigayon ro nasambit nga operation ko mga katapo it Malay MPS, Boracay Tourist Assistance Center (BTAC) ag Malay Municipal Drug Enforcement Unit (MMDEU).
Nasayuran nga rayang si Octaviano hay dati nga naga trabaho sa sangka kompanya sa isla apang ro andang kompanya nagpatigayon it surprise nga drug test ag imaw ra nagpositibo rason nga imaw napahalin.
Pagkatapos kato imaw nag biyahe it habal-habal sa isla ag mag eowas sa pagbiyahe nasayuran nga naga duso pa gid it illegal nga droga bangud sa mabuhay eon man imaw ginasubaybayan ko mga otoridad.
Si Octaviano hay magapangatubang it kasong pagbayolar sa RA 9165.
