General Santos City—kritikal ang kahimtang sa usa ka habal-habal driver human kining gidunggab sa karnaper nga nagpakarong-ingnong pasahero sa may Purok Malambuon, Barangay Calumpang Gensan.
Ang biktima nailhan nga si Ronald Bamboy Badong, 24 anyos, residenti sa Barangay Calumpang.
Alas 9:50 ang takna dihang misakay ang suspek sa motorsiklo sa biktima ug nagpahatud sa may Purok Malambuon, Barangay Calumpang apan pag abot sa ngitngit nga dapit, didto na kini gidunggab sa tiyan dayon sibat dala ang motorsiklo sa biktima.
Si Badong daling gidala sa St. Elizabeth hospital ug kasamtangang giatiman gumikan sa grabeng kahimtan niini. Nagpahigayon na usab ug hot pursuit operation ang Police Station 5 batok sa suspek nga mihimo sa krimen.
Facebook Comments
