Ramon Magsaysay, Zamboanga del Sur – Dead on the Spot ang 62 anyos nga habal-habal drive dihang gipusil sa wala mailang mga suspetsado sa Purok 3, Brgy. Gapasan, Ramon Magsaysay , Zamboanga del Sur alas 6:00 kagahapon sa buntag.
Giila ang biktima nga si Esmeraldo Limbaga, lumulupyo sa nahisgutan nga lugar.
Sa inisyal nga imbestigasyon nasayran nga samtang galingkod sa iyang motorsiklo ang biktima ug nakigtabi ngadto kang Glecerio Maghinay kalit nga niabot sa lugar ang usa ka single motor XRM color puti diin sakay ang tulo ka wala mailang suspetsado.
Nasayrang duha sa mga suspek ang armado sa mugbing klase sa armas nga maoy nipusil sa biktima sa makadaghan nga higayon hinungdan sa hinanali niini nga kamatayon.
Daling nisabat ang mga suspek paingon Barangay Bobongan, Ramon Magsasay ning probinsya.
Nakuha sa Crime Scene ang mga bala sa Calibre 45 nga pistola ug Caliber 9mm nga karon gipa-ilalom sa ballistic examination.
Gisuta pa sa otoridad ang motibo sa maong pagpamusil.
