Habal-habal driver gipusil patay-druga gitudlong motibo sa krimen

195

General Santos City—gitipi sa wala pa mailhing suspetsado ang usa ka Habal-Habal Driver samtang kini nagmaniho sa iyang motorsiklo sa ngitngit nga dapit sa Prk. Saludin, Barangay Labangal Gensan.

Biktima nailhang si Federico Legutom, 32, habal-habal driver, residenti sa Prk. Saludin, Barangay Labangal.

Alas 9:45 ang takna kagabie gikan sa terminal sa mga habal-habal ang biktima nga nahimutang sa Prk. Palen, sakay ang duha ka mga pasahero nga magpahatod unta sa Prk. EMB Homes apan pag abot sa ngitngit nga dapit sa may Prk. Saludin, kalit lang dunay mitapad kanila nga usa ka tawo nga sakay sa motorsiklo.


Walay sulti-sulti ang suspek iyang gipusil ang biktima igo sa nagkandaiyang parti sa lawas niini nga hinungdan sa iyang kamatayon.

Sa inisyal nga imbistigasyon sa Police Station 2, sa pagpanguna ni Police Chief Inspector Jeng Salarda, nga druga ang usa sa ilang gitan-aw nga motibo human nga involved ang nahisgutang biktima sa illegal drugs.

Nasayran nga gikumperma mismo sa pamilya sa biktima nga dugay na nilang gibuyag ang nahisgutan nga undangan na ang pagpayuhot ug Shabu apan wala sila paminawa inay nagpadayon sa iyang iligal nga gimbuhaton.



Wala na usay laing anggulo pang gitan-aw ang kapulisan tungod subay sa pahayag sa igsuon sa biktima wala may atraso ang iyang igsuon ug wala usab kini nakalaban ayha nahitabo ang krimen.

Sa karon padayon pa ang gihimong imbistigasyon sa maong kaso ug padayon pang ginaila ang suspetsado sa krimen.


Facebook Comments