General Santos City—samad sa abaga ang naangkon sa usa ka habal-habal driver human kining gipusil sa riding in tandem sa national highway, sakop sa Barangay Lun Padidu, Malapatan, Sarangani Province.
Biktima giilang si Ruben Empleyo, 39, residenti sa Purok Makisama, Barangay Lun Padidu, Malapatan. Alas 6:30 ang takna sa gabie, Hwebes, mihatud ug pasahero ang nasangpit nga biktima apan pag-uli balik niini didto na sya gisundan sa 2 ka suspetsadong nakamotorsiklo dayon gipusil igo sa iyang abaga.
Luyo nga samdan ang biktima mipakaritil pa kinig padagan sa iyang motorsiklo hangtod nakasibat sa kamot sa mga suspek. Daling gidala sa iyang mga kabana yang biktima sa Mindanao Medical Center ang nahisgutan apan human sa pila ka oras, gibalhin kini sa Dr. Jorge Royeca Hospital.
Sumala sa biktima sa siya blangko sa motibo sa pagpamusil kaniya. Wala syay kalaban ug wala usab syay bahad sa iyang kinabuhi. Human sa nahitabo kaniya, nabalaka na hinuon kini sa iyang siguridad.
