General Santos City—Sikop sa operatiba sa Police Station 2 ang usa ka habal-habal driver nga itago lang sa pangalang Alias Rey, legal age, residenti sa Purok Lanton, Barangay Apopong, Gensan kansa gialigarang suspek sa pagpanglugos sa kaugalingong anak atol sa gihimong buy-bust operation sa Police Station 2 alas 8:30 ang takna sa gabie sa may Purok Malipayon, Barangay Labangal, Gensan.
Nasikop ang suspek human kining napalitan ug usa ka sachet sa gituohang shabu gamit ang P500.00 nga marked money sa usa ka police nga nagpakarong-ingnong poseur buyer.
Nasayran nga ang suspek ang dugay nang gipanid-an sa kapulisan gumikan sa paghilambigit niini sa iligal nga droga. Sa karon giandam na sa Police Station 2 ang kasong kalapasan sa Sec 5, sa RA 9165 kon Comprehensive Dangerous drug act of 2002 batok sa suspetsado.
Samtang sa pakighinabi sa RMN Gensan News Team ngadto sa suspek iyang giangkon nga iyang nahilabtan ang iyang anak duha ka tuig kapin na ang nakalabay.
Sumala niini nga wala ang iyang asawa ug tua karon sa abroad mao nga nahimo niini ang pag-among among sa iyang anak.
Gihingusgan usab niini nga nadala lang siya sa kamingaw sa iyang asawa mao nga iyang nahimo ang pagpanghilabot sa iyang kaugalingong anak. Nasayran nga nag edad pa lamang ug 13 anyos ang iyang anak dihang gihimo ang krimen u gang iyang anak sa kasamtangan anaa na sa 16 anyos.
