General Santos City–Luwas na sa kuyaw nga kahimtang ang usa ka habal-habal driver nga si Roel Radana nga taga Purok 4, Lanton, Barangay Apopong, Gensan, kansa una nang nakaplagan nga naghapa nalang daplin sa dalan sa may Purok 5, Lanton, Barangay Apopong niadtong nakalabayng gabie.
Sumala sa mga kabanay sa biktima nasuta nga nag inum matud pa kini uban sa iyang mga amigo apan pag uli niini mga alas 8:00 sa gabie nabanggaan matud pa kini sa wala masutang sakyanan.
Sa pakighinabi sa RMN Gensan news Team ngadto sa inahan sa biktima nga adunay nakasulti kaniya nga amigo sa iyang anak nga bangaan matud pa ang nasangpit apan wala na kini maghatag pa ug dugang detalye.
Nasayran nga una nang gidala sa Dr. Jorge Royeca Hospital ang nasangpit nga biktima dihang wala kini panimuot dihang nakaplagan.
