General Santos City–Tudo depensa ang usa ka Virgilio Logahao, 37 anyos, nga taga purok Silway, Barangay West, Gensan kalabutan sa nahitabong pagtigbasanay nila sa iyang kainum nga si Tony Manlabao, 18 anyos, residenti sa samang lugar alas 3:00 ang takna sa kaadlawon kagahapong adlawa.
Sumala niini nga human nila ug inum, natingala nalang kini nga siya gisulong ni Manlabao sa ilang balay ug didto na gitigbas.
Isip depensa sa iyang kaugalingon, iyang giilog matud pa ang sundang gikan sa nasangpit ug wala na sya masayod kung iya ba kining natigbasan.
Dugang pagbutyag ni Virgelio nga atol sa ilang panag-inum wala man sila nagbingkil ni Manlabao. Apan iyang gibutyag nga kalit lang matud pa nga nasuko kaniya ang nasangpit mao nga niuli nalang kini sa ilang balay apan siya gisundan sa nahisgutan bitbit ang sundang.
(Photo From Web)
