General Santos City— Wala makalingkawas sa baba sa kamatayon ang usa ka lalaking nanghagit ug away sa may Purok Maunlad, Barangay Silway 8, Polomolok, South Cotabato sa nakalabayng adlaw.
Biktima giila lang nga si Alias Junior, legal age, residenti sa nasangpit nga lugar. Suspek sa pagpanigbas nailang si Alyas Anatacio, 38, residenti sa Gregorio Farm, Purok Maunlad, Barangay Silway 8, Polomolok.
Sa inisyal nga imbistigasyon sa Polomolok PNP nasuta nga , gisulong sa biktima ang suspek sa bunkhouse niini ug gihagit ug away.
Didto na natigayon ang pagpanigbas sa suspek sa biktima nga misangko sa kamatayon niini.Paspas nga misibat ang suspek sa wala sayring lugar.
Anggulong gitutukan sa kapulisan sa maong krimen mao ang personal nga bangi.
Facebook Comments
