South Cotabato—Ospital ang gidangatan sa usa ka lalaki human Kining gitigbas sa iyang silingan didto sa Purok Liberty, Barangay Cinco Barangay, South Cotabato alas-9:00 niadtong nakalabayng adlaw.
Giila ang biktima nga si Jose Joven Faba, 50-anyos, residente residenti sa maong lugar. Samtang ang suspek giilang si Arbie Katanos Cabaya, 37 anyos, residenti gihapon sa maong Barangay.
Subay sa inisyal nga imbistigasyon sa Banga PNP nasayran nga ayha nahitabo ang pagpanigbas, naglalis matud pa ang biktima ug ang suspek. pila ka minutos ang nakalabay, gisulong sa suspetsado ang balay sa biktima ug didto na niini gitigbas ang nahisgutan pila ka higayon igo sa nagkandaiyang parti sa lawas.
Paspas nga gidala sa ospital ang biktima samtang ang suspek malampusong nasikop sa kapulisan atol sa gipahigayong Follow-up operation.
Sa karon anaa na sa kustudiya sa Banga Municipal Police Station ang suspek samtang ang biktima nagpaalim nalang sa iyang mga samad sa South Cotabato Provincial Hospital.
