Plano sang Provincial Health Office sang South Cotabato nga mangin independent na ang HIV/AIDS Core Team Clinic agud nga indi na magpadala sang specimen sang mga kleyenti sa RITM para sa confirmation nga madugayan pa.
Ini matapos nga nagagwa man nga syento porsyento nga pareho ang resulta sang ginapatigayon nga HIV testing sang HACT clinic sa mga pasyenti sini.
May-angot sini, kon mahatagan sang certificate of excellence ang HACT clinic sang South Cotabato, suno kay Provincial Health Officer Dr. Rogelio Aturdido Jr., makilala na ini sa bug-os kalibutan kag magabubo ang madamo nga suporta halin sa mga nagkalain-lain nga ahensya.
Samtang, plano man nila suno kay Dr. Aturdido nga mangin entry sa Pook Galing ang HACT Clinic sang South Cotabato bilang isa na naman sa Best Practices sang provincial government.
