Pasado na sa 2nd reading sa plenaryo ang House Bill 8858 ukon ang pagpanubo sa minimum age of criminal liability (MACR) .
Suno kay Justice Committee Chairman Doy Leachon, ginhimo nga 12 anyos ang MACR sa baylo nga 9 anyos.
Ginpahayag ni Leachon nga nag-agi siya sa konsultasyon sa mga kongresista kag gin-ako nga may nagapamalabag kag may reservation sa 9 anyos nga MACR.
Liwat gin-athag ni Leachon nga indi pagpresuhon kag kabigon nga criminal ang mga children in conflict with the law.
Ang mga bata nga nakahimo sang krimen kaangay sang murder, parricide, infanticide, carnapping, kidnapping, rape with homicide kag paglapas sa Dangerous Drugs Act ang ipaidalom sa rehabilitation kag confinement sa Bahay Pagasa o sa Agricultural Camp kag training center.
Ang mga tawo ukon sindikato nga nagagamit sa mga kabataan sa paghimo sang krimen ang magapangatubang sang nagakaigo nga penalidad.
Ginpasiguro ni Leachon nga ‘confidential’ ang mga record sang mga bata nga nagalapas sa layi.
(photo from web)
