La Carlota City, Negros Occidental – Naglab-ot sa mga P250,000 ang damage sang black bug sa mga humayan sa duha ka mga lugar sa probinsya sang Negros Occidental.
Sa La Carlota City, mga masobra walo ka ektarya ang apektado samtang mga 6.2 hectares naman ang sa bahin sang Candoni.
Suno kay Atty. Japhet Masculino, Provincial Agriculturist nga sa walo ka ektarya nga apektado sa La Carlota City, may ara sang 4.8 hectares nga partially damaged sa diin 12.24 metric tons naman sang humay ang nawasi nga may balor nga P150,000 pesos.
Sa lima ka adlaw nga light trapping, nakakuha sila sang mga 60 kilos nga blackbug.
Ang black bug isa ka sahi sang peste nga nagasuyop naman sang duga sang puno sang humay tubtob nga malaya ini.
Padayon karon ang ginahimo nga monitoring sang OPA sa iban pa gid nga lugar nga posibli atakihon sang black bug.
Tags: Visayas, Bacolod, negros, palay, blackbug
