Bukidnon – Halos katunga na sa mga lungsod sa probinsya sa Bukidnon ang nahatagan ug livelihood program sa provincial government of Bukidnon.
Sa interview sa RMN Malaybalay ngadto kang Engr. Alson Quimba, provincial agriculturist gibutyag niini nga prayoridad nila kadtong mga poorest of the poor nga mga mag-uuma sa mais.
Giklaro usab niini nga bugtong mga mag-uuma sa mais lang ang mahatagan.
Ang usa ka mag-uuma makadawat ug usa ka sakong RR corn seeds ug duha ka sakong abono.
Matud ni Quimba nga muabot sa 57,800 ka sakong abono ug 28,900 ka sakong binhi nga ilang i-apod-apod sa tibook probinsya.
Mukabat usab sa 28,900 ka mga mag-uuma ang makadawat sa mao nga provincial livelihood program.
Facebook Comments
