Halos 440 na ka mga drug suspect nasikop sa Bukidnon karong tuiga!

Malaybalay City, Bukidnon – Muabot na sa 437 ang mga nadakpan nga adunay kalambigitan sa illegal nga droga sa probinsya sa Bukidnon karong tuiga.
Sa interview sa RMN ngadto kang Police Senior Inspector Jessel Longakit ang spokesperson sa Bukidnon Provincial Police Office gibutyag ninii nga ang mao nga datos sukad kaniadtong bulan sa Enero hangtod Hunyo 20 ning tuiga.

Matud ni Longakit nga napasaka na usab ang mga kaso batok sa maong mga illegal drug suspect.

Sa mao nga panahon usab anaa lang sa 3 ang napatay atol sa lehitimong operasyon sa kapulisan tungod kay nisukol matud pa kini.


Gidugang pa ni Longakit nga sa marijuana aduna nay 3,107 grams ang ilang nakumpiska ug 252 grams na usab ang nakumpiskang shabu, sa maong gidaghanon, muabot na matud pa sa 2,066,729.00 ang kantidad ninii.

Gipasalig usab sa PNP Bukidnon nga nagpadayon karon ang hugot nga kampanya sa kapulisan batok sa illegal nga droga sa lalawigan.

Facebook Comments