Halos 6 sa bawat 10 Pinoy, naniniwalang ginagawa ng mga pulis ang “tanim-droga” – SWS

119

Mayorya ng mga Pilipino ang naniniwalang may ilang pulis ang nagtatanim ng ebidensya laban sa mga suspek na kanilang naaaresto.

Batay sa survey ng Social Weather Stations (SWS), 58% ang nagsabing naniniwala, 8% ang hindi, habang 33% ang undecided.

Lumabas din sa survey na karamihan sa mga Pinoy ay hindi makapagdesisyon kung totoo ba ang mga pahayag ng mga pulis na may “nanlaban” kaya nagkakaroon ng drug-related killings.

Tinanong sa mga respondent kung ang mga pulis ba ay nagsasabi ng katotohanan na ang mga suspek na kanilang pinatay ay nanlaban.

Nasa 44% ang undecided sa isyu, habang kapwa may 28% ang mga naniniwala at hindi naniniwala sa pulis.

Ang survey ay isinagawa mula December 16 hanggang 19 sa 1,440 respondents na may margin of error na +/- 2.6% nationwide at +/- 5% sa balance Luzon, Metro Manila, Visayas at Mindanao.

Facebook Comments