Nasa halos dos mil ka Gaming schemes ang gipasirad-an sa mga pulis sa Police Regional Office 10 niadtong Sabado.
Kini human gimando ni Presidente Rodrigo Duterte nga undangon ang tanang Philippine Charity Sweepstakes Office o PCSO Gaming schemes ug mimando ni PNP Chief, Police General Oscar Albayalde nga arestuhon ang bisan kinsang molambigit sa gambling schemes sa PCSO.
Alayon niini, gibutyag ni PRO 10 Spokesperson, Police Lieutenant Col. Mardy Hortillosa nga lakip sa halos dos mil ka gaming schemes nga napasirad-an sa rehiyon mao ang kapin usa ka libo ug 300 (1,386) ka Small Town Lottery o STL outlets, kapin 200 (208) ka lotto outlets ug kapin 300 (306) ka Peryahan ng bayan.
Matud ni PRO 10 Director, Police Brigadier General Rafael Santiago, Jr. nga magpadayon ang monitoring sa PRO 10 sa mga PCSO Gaming schemes ug siguradohon niining masirad-an ang tanang gambling outlets sa rehiyon.
