Patay an duha ka managsoon na nagsakay sa motorsiklo human na mibangga sa de pampasaherong bus samtang nagbyahe ini sa National Highway sa P1 Brgy.Don julio Ouano Alegria,SDN. pasado alas 8:05 an oras nan jadton milabay na gabii.
An biktima nakilay an na sila , ANTHONY AWIT ORTIZ ,17 anyos angkas isab an ija igsoon na si MARIAN AWIT ORTIZ , 16 anyos .Sumaya pa sa imbestigasyon sa mga otoridad na mi overatake an sakyanan sa mga biktima sa laing gisundan na sakyanan sanan nasugat an pampasaherong bus hinungdan na ini mibangga sanan sa kakusog nan ila dyagan miresulta sa pagkasuyod sa gisakyan sa mga biktima sa ilayum nan bus,hinungdan sa ila hinanaling kamatayon. Sa follow up report nan RMN Surigao,an kadumayahan nan Bachelor Express an mihatag na nan tabang pinansyal sa nabiling pamilya nan mga biktima.(RadyoMaN Jerson Fuentes)
