Davao City – Hinaut nga makakomunikar na ang mga Fishery Law enforcers o Bantay Dagat sa syudad sa Davao og adunay mga pahimangno kabahin sa kondisyon sa kadagatan ilabi na panahon sa kalamidad.
Kini ang sigun ni Leo Brian Leuterio, Officer-in-Charge sa City Agriculture Office human nga gipang-apod-apod sa lokal nga gobyerno sa syudad sa Davao ang 34 units sa handheld radios ngadto sa Bantay Dagat.
Dugang ni Leuterio nga ipailawum sa training ang mga miyembro sa Bantay dagat og unsaon pag gamit ang radio lakip ang official cue codes.
Parte sa selebrasyon sa Farmers and Fisherfolks Month ang pag pang-apod-apod sa maong mga ekipo diin gawas sa handheld radios, aduna usab gihatag nga 76 units sa power sprayer ug 565 units sa knapsack sprayers alang sa mga mag-uuma sa walo ka agricultural districts sa dakbayan sa Davao.
RadyoMaN Renz Barbarona
