BAROTAC Viejo – Natalana nga pasakaan sang kaso subong nga adlaw ang 29 anyos nga suspek matapos iya ginhimuslan ang 63 anyos nga koridor sa isa ka barangay sa Barotac Viejo, Iloilo kaagahon sang Marso 21.
Suno kay Senior Inspector Joven Arevalo sang Barotac Viejo Municipal Police Station, hubog ang biktima sang ginsulod ang biktima sa iya panimalay pasado las 12:30 sang kaagahon.
“Siya lang ni gaestar sa iya balay, nagaisahanon lang,” ang pahayag ni Arevalo.
Base sa imbestigasyon sang kapulisan, gulpi lang nakabati sang lagapok ang 63 anyos kag sang iya ginlantaw, iya nakita ang suspek nga hinali naman nga nagbutong sa iya. Matapos sini, iya gintabunan ang baba sang biktima agud indi makahimo snag gahod, ginkuga sa liog kag ginhimo ang pagpanghimulos.
Samtang ginahimo ang pagpanghimulos, todo pakitluoy kag nagpangabay ang biktima sa suspek nga indi lang ini pagpatyon bangod indi ini manugid.
Subong man, matapos ang natabo nga pagpanghimulos, nagreport ang biktima sa kapulisan kag nadakpan ang suspek.
Suno kay Arevalo ginpanginwala pa snag 29 anyos nga handler sang inugbulang nga manok nga wala siya makahibalo sang iya ginhimo bangod hubog ini.
“Waay man siya kuno kabalo sang ginhimo niya kay hubog siya kuno,” ang pahayag ni Arevalo.
Ang suspek may ara man snag live-in partner kag mga kabataan.
Ginpahayag ni Arevalo nga ginpaidlaum na sa medical examinationa ng biktima kag pasakaan nila sang kaso ang suspek.
Gina-imbestigahan man sang kapulisan kon may kahilabtanan sa illegal nga droga ang suspek.
Photo from web/ Not the actual photo
