Gikompirmar sa Sangguniang Panlalawigan (SP)-Bukidnon ang hangyo-sugyot ni Indigenous People’s Mandatory Representative (IPMR) Board Member Atty. Arbie S. Llesis nga magpresenta ang pipila ka mga lungsod sa Bukidnon sa pito ka tribu atol sa ipahigayon nga Kaamulan Street Dancing.
Sa regular session sa SP-Bukidnon adtong Martes, Pebrero 14,2023, sa pagpangulo ni Vice Governor Clive D. Quiño, gikompirmar ang pagpartisipar sa pitok ka mga lungsod sa gilangkuban sa lungsod sa Quezon, Kitaotao, San Fernando, Lantapan, Cabanglasan, ug ang lungsod sa Libona, Bukidnon.
Giklaro usab nga ang mga lungsod igo lamang nga magpresenta sa pito ka tribu sa Bukidnon ug dili lakip sa kompetisyon nga gisalmotan lamang sa duha ka siyudad sa Malaybalay ug Valencia ug ang lungsod sa Kalilangan.
Ang mga nasangpit nga mga munisipalidad maga pili lamang og pipila ka mga mananayaw nga gikan gayud sa ilahang orihinal nga tribu ug maga sayaw sa ilahang mga naandan nga sinayawan isip pagpakita sa tinuoray nga diwa sa Kaamulan Festival.
Facebook Comments
