Davao City – Naglaum ang Department of Education (DepEd) nga mahimong malinawon ug hapsay ang umaabot nga May 9, 2022 National ug Local Elections.
Sa interbyu sa DXDC RMN Davao kang Jenielito Atillo, tigpamaba sa DepEd-XI, malaumon kini nga walay mahitabong kakulian hangtud nga mahuman ang piniliay sa Lunes.
Nagpasalamat usab ni Atillo sa serbisyo ug sakrispisyo sa mga magtutudlo nga magsilbing electoral boards sa pagsegurong maprotektahan ang balota o ang boto sa katawhan.
“Manghinaut kita nga this election will be peaceful and will be free. Ug kita dako kaayo ta’g kahimuan gayud sa pagsiguro sa atong kaugmaon pinaagi sa atong kontribusyon as members of the electoral board,” saysay ni Atillo.
Una na usab nga gipahinumdom sa DepEd official sa mga magtutudlo nga magpabiling nonpartisan o walay politiko o kandidato nga dapigan sa eleksyon.
RadyoMaN Kirby Manzon
Facebook Comments
