Davao City – Pagsulbad sa suliran sa trapiko ug kaluwasan sa mga motorista sa kadalanan ang tumong sa implementasyon sa pag isyu sa citation ticket batok sa mga malampason sa balaod trapiko.
Sumala ni City Transport and Traffic Management Office (CTTMO) Chief Dionisio Abude nga pagsulbad sa problema sa trapiko ug paglikay sa mga motorista gikan sa disgrasya ang tuyo sa pag isyu og citation ticket kung ngano gipatuman kini dinhi sa siyudad.
Sumala ni Abude, sa citation ticket mahibaloan na daan sa mga motorista ang bayrunon sa ilang multa ug depende sa bayolasyon nga nakumitar diin ang mga nadakpan gihatagan og pito ka adlaw aron makabayad sa City Treasurer’s Office ug sa Davao City Overland Transport Terminal (DCOTT).
Sigun sa opisyal, aduna sab sila’y gihatag nga opsyon og walay ikabayad ang mga nakalapas sa balaod trapiko diin pwede sila mag-community service og upat ka oras depende sa trabaho nga ihatag sa City Social Services and Development Office (CSSDO).
Apan kung mapakyas sa pagbayad sa multa ug magdumili sab sa upat ka oras nga community service dinhi na pasakaan og kaso sa korte ang mga masinupakon sa balaod trapiko sa dakbayan sa dabaw.
Kasamang Joel Viray
