Hard lockdown: Ayuda gipang apod-apod

30

Davao City – Gitunolan na og dugang ayuda o relief goods ang mga residente sa Brgy.23-C gikan sa Barangay.

Kini sumala ni Brgy.23-C Kagawad Nanding Pinto human nahinabi sa DXDC RMN Davao.


Segun ni Kagawad Pinto, 15 kilos nga bugas ug mga delata ang gipanghatag sa matag pamilya sa nasangpit nga Barangay.

Matud ni Kagawad Pinto, gawas sa gi-alokar nga pondo sa Barangay, nihatag usab og dugang ayuda ang lokal nga panggamhanan ning syudad.

Ang Barangay 23-C gipailawom sa hard lockdown sugod July 4, 2020 human gimando ni Davao City Mayor Inday Sara Duterte tungod sa pagsaka sa kaso sa COVID-19.

“Ang akong masulti sa taga Brgy. 23-C mag antos ta, para sa kaugalingon nato ayaw sa ug gawas gawas, dili mo mag gahi’g ulo ug mutuman gyod ta sa mando para dili permanente ma-lockdown,” segun ni Pinto.

RadyoMaN Don Pulayao




Facebook Comments