Isa ka persona, nakuryente -patay sa banwa sang President Roxas!

27

President Roxas, Capiz- Dead-on-arival sang gindangat sa Bailan District Hospital sa banwa sang Pontevedra ang 40-anyos nga lalaki nga nakuryente samtang nagapanglimpyo sa sulod sang iya panimalay sa Sitio Dupak, Brgy Poblacion, President Roxas, Capiz.
Ang biktima ang ginkilala kay Jhonrel Ballon y Mataderde, residente sang nasambitan nga barangay.
Suno sa hepe sang President Roxas PNP nga si Police Captain Helbert Gervero, wala matalupangdan sang biktima nga mabasa ang porsyon sang lugar kun sa diin ini nagatindog.
Iya nga ginhuslo sang outlet sang kuryente apang nakatapak ini sa tubig kabangdanan sang iya nga pagkakuryente.
Nahibaluan nga naglampos ang lawas sang biktima sa baldosa.

Facebook Comments