Hardware supervisor gipusil sa riding-in-tandem

170

Davao City- Patay ang usa ka Logistic Supervisor sa usa ka Hardware sa may Sasa ning siyudad nga nahitabo pasado 6:00 kagabii human gipusil sa wa mailhing riding-in-tandem.

Upat ka samad pinusilan ang mitapos sa kinabuhi ni Albert Banilad, 49 anyos, minyo, ug nagpuyo sa Catalunan Grande ning dakbayan.


Pauli na unta paingon ang biktima sakay sa iyang pick-up dihanga gibanhigan kini sa duha ka armado nga sakay og motorsiklo pag-abot sa Old Airport, kilometer 9, Sasa.

Ang Scene of the Crime Operatives nakarekober og upat ka empty shell sa bala sa .45 pistol sa hitaboan diin ang patay’ng lawas gidala dayon sa punerarya.

Blangko pa ang Homicide and Arson Section sa Sasa Police Station sa motibo sa krimen ug lakip na sa mga suspek.

RadyoMaN Joel Viray




Facebook Comments