Plano karon sa lokal nga pangagamhanan sa syudad sa Malaybalay nga lakip ang hatchery nga programa ang sudlon para mamahimong usa sa mga tinubdan sa mga kinita-an sa mga mag-uuma ilabi na nga nag operate sa mga kabaranggayan nga sakop sa syudad.
Kini ang gibutyag ni Engr. Richard Leono ang Supervising Agriculturist sa Malaybalay City Agricultures Office diin sa 20% nga development plan naggahin sila sa P3 million nga kantidad alang sa maong proyekto.
Nasayran nga ang maong buhatan kasamtangan sa pagpangita sa mga mag-uuma nga posibling maka buhi sa mga hatchery farm sama sa mga tilapia fingerlings ug hito.
Nasayran nga sa intero Malaybalay adunay 21 ka ektarya nga mga fishpond nga posibling maka pahimulos sa maong programa.
Nasayran usab nga ubay-ubay nga mga programa ang ilang gipangandaman nga ma-implementar karon sa buhatan lakip na ang Rural-Based Organizations ug ang pagsuporta sa kalihukan sa Agri-preneur sa syudad sa Malaybalay.
Facebook Comments
