Davao City – Permanente nang gidili ang paghatod ug pagsundo sa mga pasaherong muabot ug mo-navigar diha sa airports, seaports, bus terminals ug uban pang transportation hubs dinhi sa syudad sa Davao sugod ugmang adlawa, February 1.
Usa kini sa mga giluwatang ‘marching orders’ karon ni Davao City Mayor Sara Duterte-Carpio atol sa usaka presser diin gilatid sa hepe-ehekutibo ang mga aksyon nga tomaron sa syudad agig pagdepensa sa iyang katawhan gikan sa peligrong dala sa 2019 novel cornavirus acute respiratory disease nga ni-kostar na’g kapin 900 ka mga kinabuhi sa entero kalibutan.
Sa orden sa alkalde, iyang giklaro nga ang contingency measure dili lamang tubag sa maong bag-ong balatian apan alang usab sa kaluwasan ug seguridad sa tanang mga lungsuranon dinhi.
“Beginning tomorrow, February 11, 2020, all (welcoming) and send-off groups at airports, seaports, bus terminals and other transportation hubs are permanently banned not only because of the virus (2019 nCoV) but for reasons of safety and security. Only employees, workers, drivers (and) passengers are allowed in these places,” segun sa mayora.
Tambag usab ni Duterte nga likayan usa ang mga public places diin sagad naga-converge ang katawhan ug nga sa panimalay na lamang usa buhaton ang pagpanamilit sa mga minahal sa kinabuhi ingon man likayan na lamang una ang paghurot sa mga mohatod sa mga mobyahe sama sa usaka pamilyahan aron malikayan ang pagtakboy sa makalilisang nga balatian.
RadyoMaN Jason Amisola
