Nahidangat alas sais karong buntag ang patayng lawas ni Butuan City Bishop Juan De Dios Pueblos lulan sa Barkong Cokaliong nga midungo sa Nasipit Port.
Misugat ang mga kaparian, kamadrehan ug mga parokyano sa simbahang katoliko diin usa ka pag-ampo ang gidalit.
Gitabunan ug tela nga kolor “violet” ang lungon sa Obispo nga naka crate simbolo sa kasubo. Kini ang gibutyag ni Father Aldrin.
Gikan sa Nasipit gihapit sa Bollozos Feneral Home ang patayng lawas sa Obispo aron nga kuhaon ang crypt ug himoon ang pagretouch adeser pagadad-on sa Bishop Palace.
Matud pa nga usa ka mesa ang ipahigayon alas dyes karong buntag sa Bishop Palace sa Brgy. Ampayon ning dakbayan sa Butuan. Kini ang gikumperma ni Father Aldrin.
Mokabat sa 30 minutos ang himoong pagretach sa patayng lawas ni Bishop Juan De Dios Pueblos sa Bollozos Funeral Home. Kini ang gibutyag sa usa ka nagpangalang Lito nga maoy mohimo sa pagretach.
Ang crypt nga gisudlan sa patayng lawas ni Bishop Pueblos nga gikan sa Nasipit Port ang gisakay sa Elf nga iya sa Bollozos Funeral Home diin nagconvoy niini ang mga kaparian ug parokyano sa simbahang karoliko.
Andam na ang grupo sa Knight of Columbus nga mosugat sa paghidangat sa patayng lawas ni Bishop Pueblos sa Bishop Palace didto sa Brgy. Ampayon ning dakbayan sa Butuan. Kini ang gibutyag sa Faithful Navigator sa maong grupo.
Diin pandungan sa ilang bitbit nga espada ang samtang isulod ang lungon aron nga ipahiluna ang haya sa Obispo sulod sa Bishop Palace.
