Niadtong Biyernes, October 20, ako ug akoang inahan mibisita sa Cebu Metropolitan Cathedral para motan-aw sa haya ni Archbishop Cardinal Vidal. Ingon ang taxi driver sa amoang gisakyan nga gisira ang pipila ka dan duol sa maong simbahan tungod sa haya. Mao tong nagpa-drop nalang mi sa Basilica del Sto. Niño para didto makapanagkot mi sa balaang bata sa dili pa moadto sa cathedral.
Ang una gyung misugat namo pagsud sa cathedral mao ang dagkong pongpong sa mga buwak nga naka-tripod nga naa galinya gawas sa maong simbahan. Mga buwak gikan sa mga senators, politicians, businessmen ug uban pang may katungdanan sa gobyerno ang maoy nagpadala sa maong mga buwak.
Pulong pa sa isa ka bisita pud sama namo, “Mura man nig exhibit sa mga buwak uy. Sosyal man kaayo ang mga senders ani. Niya gipangpiktyuran pud sa mga nibisita.” Tinuod bitaw gyud ni idol. Sa tanang funeral nga akoang natambongan mao ni ang isa sa pinaka-daghan og buwak alang sa gihaya. Bisag sa pagpadung na sud sa simbahan kay puno gihapon og buwak.
Pahinumdom sa mga mobisita nga pabiling e observe ang silence kung mosud sa maong lawak specially sa area kung asa gihaya ang arsobispo. Unya mas maayo gyud nga mopahinungod og PAG-AMPO alang sa maong arsobispo.
