Girekomenda ni Koronadal OIC City Health Officer Editho Vego ngadto kang Koronadal City Mayor Eliordo Ogena atol sa ilang gihimong cabinet meeting nga angayang dili molampas ug tulo ka adlaw ang haya sa patay bisan non- COVID ang gikamatyan sa usa ka tawo.
Kinahanglan usab nga ang pagbisita sa namatyan ang dili mulungtad ug kapin usa ka oras ug angay nga walay lamesa nga ibutang aron nga walay mag-istambay. Samtang, gihangyu man usab ni Dr. Vego sa mga residente nga limitahan ang pagpahigayon ug birthday party gumikan sa padayong bahad sa COVID-19 sa syudad sa Koronadal.
Gikumpirma usab ni Dr. Vego nga puno na ang usa ka isolation facility sa syudad ug ang ang usa ang ablihan isip preparasyon ugaling may madungag pa sa magpositibo sa COVID-19 gumikan daghan usab ang gipailawom matud pa sa swab test niadtong nakalabay nga adlaw.
