Hazing, gikondena sa LMP Bukidnon Chapter President

36

Hugot nga gikondena sa League of the Municipalities of the Philippines kon LMP Bukidnon Chapter ang mga gihimong hazing sa pipila ka organisasyon.

Kini human nga namatay si PMA Cadet 4th Class Darwin Dormitorio sa Philippine Military Academy kon PMA tungod sa hazing .


Sa interview sa RMN DXMB Malaybalay ngadto kang Cabanglasan Mayor Renante Inocando, ang presidente sa LMP Bukidnon, gibutyag niini nga gikondena niya ang maong mga binuhatan.

Matud niya nga angayan untang mapabilin ang respito sa junior class ngadto sa mga upper class pinaagi sa dili pagpabalon sa unsay mga na-andan nga dili maayo sulod sa organisasyon sama sa hazing.

Gipamugos niya nga dili na angayang muabot pa sa punto sa hazing kung aduna may himoong pagdisiplina.

Gidugang pa niini nga nakatakdang mupagawas ang Mayors League of Bukidnon atol sa ilang himoon nga monthly meeting sa Oktubre ug usa ka resolusyon aron ipanawagan nga mahunong na ang hazing ug pagpang-abuso dili lamang sa PMA kon dili apil na sa ubang ahensiya, tulunghaan ug unsa mang organisasyon.




Facebook Comments