Pontevedra, Capiz- Patay gid ang 24-anyos nga lalaki matapos nga aksidente nga nabunggo ang ginamaneho sini nga motorsiklo sa kasugata nga traysikol sa Brgy. Rizal, Pontevedra alas 9:50 sang gab-e.
Ginlawag nga ginbawian sang kabuhi ang biktima nga ginkilala kay Joart Panes y Babela sang Brgy. Adlawan Roxas City makaligad nga ini ang nag-angkon sang pilas sa iya lawas bangod sa kabaskugon sang pagkabunggo.
Suno sa imbestigasyon sang traffic section sang Pontevedra PNP, ginasubay sang biktima ang dalan pauli sa ila poluy-an sang aksidente nga nabunggo sa kasugata nga traysikol nga ginamaneho sang suspek nga si Martin Eslana y Dacles,28-anyos sang Brgy. Binuntucan Pontevedra.
Matapos ang insidente, madasig nga nagpalagyo ang suspek apang makaligad ang inoras ini naman ang boluntaryo nga nag-surrender pinaage kay Kagawad Salostiano Naelgas sang Brgy. Binuntucan.
Sa subong yara na sa kostudiya sang Pontevedra PNP ang amo nga suspek.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
