Detinado karon sa Agora Police Station ang 37 anyos nga drug pusher nga nailang si Joven Balongayan alyas “JOJO” nga taga-Seaside Kolambog, Barangay Lapasan ning dakbayan.
Nasikop si Balongayan sa ilang dapit niadtong Sabado sa alas-6:30 sa gabii, sa gihimong buy bust operation sa kapolisan sa Agora Police Station Drug Enforcement Team ug sa pag-abag sa P-DEA Region 10.
Nakuha gikan sa suspek ang lima ka sachet sa transparent plastic nga adunay sulod mga layang dahon sa Marijuana nga nagtimbang sa 5 grams; duha ka marked money nga tag one hundred pesos ug usa ka unit sa puti nga SAMSUNG Duos touch screen cellular phone.
Gisaksihan usab ni Barangay Kagawad Cristina Poquita ang gihimong inventory ug pagmarka sa mga ebedensya atol sa nasangpit nga operasyon.
Tungod niini, si Balongayan nag-atubang sa kasong pagsupak sa Section 5 & 11 sa Article II sa Republic Act 9165 kon Dangerous Drugs Act of 2002.
