Nagpabiling nagpakahilom si Anti-littering Task Force Head Sean Actub labot sa reklamo sa pipila ka mga sidewalk vendors sa syudad sa gihimo nilang lakang karon sa pagpangdakop ngadto kanila.
Pila na ka higayon gitawagan si Actub ning sibyaan apan dili gayud kini gatubag sa iyang telepono.
Matud sa mga vendors nalabi-an na usab ka istrikto ang gibuhat sa mga sakop sa ALTF tungod bisan anaa na sila sa sook padayon gihapon sila nga ginasita ug ginadakop.
Hangyo nila sa ALTF nga unta hagatan sila ug konsiderasyon nga bisan anaa sa sook nga lugar hatagan nalang kini sila sa kahigayonan nga makapamaligya.
Pabiling bukas ang rmn iligan alang sa tubag ni Mr. Actub sa reklamo sa pipila ka mga vendors batok sa iyang gidumala nga Anti-Littering Task Force.
