Nalingkawas sa kamatayon si Atty. Ranulfo Cenas, ang head of the City Environment Management Office (CEMO) human kini gisulayan sa pagpusil alas 8 kapin kun kulang ang takna kagahapon sa buntag.
Matud ni Cenas nga pasulod na unta siya sa gate sa City Engineering Compound dihang nadungog niini nga naay nagsunod niya ug dayong kasa sa usa ka pusil.
Sa iyang paglingi, nakita niini ang usa ka tawo nga nagtaptap sa iyang nawong bitbit ang usa ka pusil.
Midagan pasulod sa compound si Cenas ug dayong nabati ang usa ka makusog nga buto.
Ang suspetsado daling misibat sa wala matinong direction sakay sa motorsiklo.
Nakuha sa lugar hitaboan ang magazine sa .45 nga pistola nga dunay sulod siyam ka mga bala nga giingong nahulog gikan sa armas sa maong suspek.
Saysay pa ni Cenas, nga posibleng hinungdan sa maong pagsulay sa pagpusil kaniya ang may kabahin sa quarry.
