KABANKALAN CITY, Negros Occidental – Ginsalakay sang wala pa mahibalu-an nga kadamu-on sang armado nga mga tawo ang headquarters sang Revolutionary Proletarian Army-Alex Bongcayao Brigade (RPA-ABB) sa Purok Mambinay, Brgy. Locotan, syudad sang Kabankalan kaina sang kaagahon.
Nasamaran sa amo nga insidente si Jonathan Pragados alyas Ka Rigor, 42 anyos, residente sang Purok Acacia, Barangay Tabogon, Kabankalan City kag padayon karon nga ginabulong sa ospital.
Suno sa panaysayon sang pila ka mga saksi kag opisyal sang Brgy. Locotan, ginsulong sang wala matumod nga numero sang armado nga lalaki ang kuta sang RPA-ABB.
Sa karon gina-confirm pa ang impormasyon nga katapo sang rebeldeng NPA ang nagsulong subong man ang report nga may casualties sa amo nga insidente. /IFM NEWSROOM/RCSG
