Karong 2018, usa sa mga nahimong misyon alang sa uban ang makaangkon og himsog nga panlawas, usa na niini ang pagbawas og timbang.
Usa sa mga New Year’s Resolution mao ang mupayat tungod sa sobra na ang timbang kon pagkatambok.
Og sagad sa mga unang mapansin gyud mao ang bilbil kon ang tiyan, hinungdan nga angayan nga kini mapagamay na.
Sumala pa sa sikat nga health expert nga si Dr. Willie T. Ong, adunay pipila ka mga tips alang sa epektibong mogamay ang tiyan.
1. Moinom og usa ka basong tubig ayha ang pagkaon. Makabusog matud pa ang tubig, og mas gamay na lang ang imong makaon.
2. Mokaon og pipila ka beses apan ginagmay lang. Ang usa ka saging matud pa kon mansanas ang pwede na nga pang-merienda.
3. Paubsan ang pagkaon og daghang kan-on. Kung sa una, ang 2 ka tasa nga kan-on, karon 1 na lamang nga kan-on ang kaunon.
4. Mokaon matud pa nga hinay. Tungod kay kung mokaon nga hinay, mas matagamtaman matud pa nimo ang pagka-busog og mapaubsan ang imong makaon.
5. Mag-ehersisyo sa 3 hangtod 4 ka beses, kada semana. Suwayan nga mga ehersisyo sama sa aerobic exercise sa kada 30 minutos hangtod 1 ka oras.
6. Pakusgon ang mga muscles sa tiyan. Magtoon sa mga ehersisyo aron nga molig-on ang tiyan sama sa stomach crunches.
7. Magtoon alang sa hustong pagtindog ( posture). Dili matud pa angayan ang anaron nga mokuba sa paglingkod og pagtindog.
8. Likayan ang mga tam-is, sama sa softdrinks, iced tea, og mga juice. Usa kini sa mga makahatag og katambok.
9. Mokaon og pamahaw kada adlaw, tungod kay kung dili mamahaw, mas gutomon pag-abot sa sunod nga kaon
10. Likayan ang pag-inom sa alak og beer. Makahatag usab kini og pagdako sa belly kon tiyan.
