![BUNTIS](https://i0.wp.com/rmn.ph/wp-content/uploads/2019/01/BUNTIS.jpg?resize=696%2C464&ssl=1)
Davao City – Tumong karon sa Sangguniang Kabataan kun SK sa dakbayan sa Davao nga makapatuman og mga programang may kalabotan sa health issues sama sa reproductive health.
Sumala ni Jaafar Marohomsalic, Davao City SK Federation President nga usa sa ilang mga giplanohan nga programa uban ang City Health Office kon CHO mao ang Reproductive Health Educators and yet Youth Volunteers kon READY.
Dugang sa SK president nga silbing training na usab kini alang sa mga SK kagawad aron sila na usab ang manguna sa pagpasabot sa maong programa ngadto sa ilang komunidad.
“Adunay ipang-destino nga mga peer counselors sa matag barangay aron tudluan ang mga SK Kagawads labi na tong committee on health” segun ni Marohomsalic.
Gawas sa uban pang mga programa sa SK, buot tutukan sa maong pederasyon ang nasangpit nga programa gumikan mao usab kini karon ang usa sa mga suliran sa komunidad dinhi sa syudad sa Davao ingon man sa uban pang lugar sa nasud.
Danielle Aguilar, HCDC MassCom Intern