Davao City – Gimanduan ni Davao City Mayor Sara Duterte-Carpio ang Davao City Social Welfare and Development Office (CSWDO) nga sutaon ang sitwasyon sa community pantries nga gitukod sa dakbayan.
Matud sa alkalde, walay problema ang pagbaton og community pantry basta masunod lamang ang health and safety protocols batok Coronavirus Disease 2019 (COVID-19) diin posibleng modagsa ang tawo sa lugar sa pagkuha og pagkaon ug posibleng dili masunod ang social distancing.
“Ipa-check nato sa atoang CSWDO kung unsay situation sa community pantry and then kung wala na may violation sa mga COVID-19 protocols, we do not have problem with that,” sulti sa Mayor.
Nasayran nga nagbutang karon og Roxas Community Pantry sa Roxas Avenue ug Matina Community Pantry sa Quimpo Boulevard, Davao City nga inspired by Maginhawa Community Pantry sa Quezon City didto sa kaulohan.
Kini gitukod aron makatabang niadtong mas nanginahanglan diin mamahimo usab nga mag-donate kadtong mga indibidwal nga gusto mutabang.
RadyoMaN Kirby Manzon
