Gi-ambush sa gitoohang mga sakop sa rebelding New Peoples’ Army (NPA) ang convoy sa mga health workers sa Kitcharao, Agusan del Norte kinsa gikan naglusad ug Polio Vaccination sa mga kabataan didto sa Zapanta Valley, Brgy. Bangayan sa nasangpit nga lungsod.
Nabangag ang ibabaw nga bahin sa hood sa Toyota Innova kolor gray human naigu sa wala pa matinu nga klase sa armas sa dihang gipaarakan sa mga armado ang ilang sakyanan, ug swerti nalang kay wala maigu ang nagsakay niini nga si Ingrid Ramos Archinue, 46 anyos, Head Nurse sa Kitcharao Municipal Health Office, ug residenti sa Brgy. Songkoy, Kitcharao, ug JENIFER MORALES VETERBO, 28 anyos, Midwife, ug resident sa P-1, Brgy. Mahayahay, Kitcharao, Agusan del Norte.
Kauban sa convoy ang usa ka multicab diin sakay ang mga Barangay Health Workers (BHW) sa Brgy. Bangayan. Nahitabo ang insidenti didto sa Kalipayan Sitio Zapanta Valley, Brgy. Bangayan, Kitcharao Agusan del Norte.
Si P/MSgt. Oro ang imbistigador sa Kithcarao Municipal Police Station sa interview sa RMN DXBC Butuan.
Subay sa maong insidneti, gikompirma sa Police Regional Office 13 ang gihimung pag-ambush sa rebelding NPA (with report archer capadeso/ sasie babar).
photo caraga news courirer [image: ambush kitcharao.jpg]
