CAUAYAN CITY – MATAPOS ANG PAGGUNITA NG UNDAS NGAYONG TAON, AGAD NANG SINIMULAN ANG PAGHAHAKOT AT PAGLILINIS NG MGA BASURA SA HEAVEN’S GARDEN MEMORIAL PARK.
AYON KAY MANG PIO, ISA SA MGA TAGAPAGLINIS SA LUGAR, MAS NAGING MAAYOS UMANO ANG WASTE MANAGEMENT NGAYON KUMPARA NOONG NAKARAANG TAON.
IPINALIWANAG NIYA NA HINDI PA RIN MAIIWASAN ANG DAMI NG BASURA TUWING UNDAS DAHIL SA DAGSA NG MGA BUMIBISITA SA PUNTOD NG KANILANG MGA YUMAONG MAHAL SA BUHAY.
KADALASAN ANIYA, NAGDADALA NG PAGKAIN ANG MGA PAMILYA AT DOON NA RIN NAGSASALO-SALO SA LOOB NG SEMENTERYO.
UPANG MAPANATILING MALINIS ANG PALIGID, NAGLAGAY ANG PAMUNUAN NG SEMENTERYO NG MGA DRUM AT SAKO PARA PAGLAGYAN NG MGA BASURA.
MALAKING TULONG UMANO ITO SA MAS MABILIS NA PAGLILINIS MATAPOS ANG PAGDIRIWANG.
NAGPAALALA RIN SI MANG PIO SA MGA BIBISITA PA SA MGA SUSUNOD NA ARAW NA MAGING RESPONSABLE SA PAGTATAPON NG BASURA AT PANATILIHIN ANG KALINISAN NG SEMENTERYO BILANG RESPETO SA MGA NAMAYAPA.
