Heavy traffic sa dalan na sinati-an human mag karambola ang tulo ka dagkong mga sakyanan

Nag mugna sa kapin usa ka oras nga ka langan sa dagan sa trapiko ang nahitabong disgrasya sa dalan kagahapong adlawa diin tulo ka mga dagkong sakyanan ang nag karambula tunga sa dalan nga nahitabo bandang alas 12:00 sa udto kagahapong adlawa didto sa Sayre Highway, Purok-2B, Barangay Aglayan, Malaybalay City.

Sa report nga nakuha sa buhatan sa kapulisan nasayran ang nga ang nalambigit sa maong disgraya mao ang mga sakyanan nga Mitsubishi Fuso Extension Steel Plate Drop side, color green nga gimaneho ni Ronie Pepito Cabusas, 28 anyos, nga resedente sa Purok-7 Butong Quezon, Bukidnon.

Samtang ang laing nalambigit sa disgrasya usa ka Zhongtong passenger bus kolor pula nga gi maniho ni Eric Lopez Botardo, 39 anyos nga resedente sa Pinamaloy Don Carlos, Bukidnon ug ang ika tulong sakyanan usa ka Isuzu Wing Van, color Green, nga gi maniho ni Cres Rey Gaid Tun-anan, 26 anyos nga resedente sa Zone-4 Sinaloc, El Salvador City.

Subay sa pag imbistigar sa kapulisan nasayran nga sunod nga nag byahi gikan sa diriksyon sa dakbayan sa Valencia ang duha ka dagkong sakyanan nga mitzubishi fuso extension ug ang pasahero-an nga bus apan pag dangat sa lugar na hitabo-an head on nga mi bang-ga ngadto sa bus ang isuzu wing van rason para mag karambula ang tulo ka dagkong sakyanan.

Swerte nalamang walay mga kinabuhi nga na kalas atol sa maong aksidente samtang padayong nagpa alim sa mga samad nga na angkon ang driver ug pasahero sa wing van truck samtang sa karon gilihok na sa mga hingtungdan nga kompanya ang dugang lakang para ma sulbad sa maayong pamaagi ang nahitabong aksidente sa dalan.