Dismissal na fuesto y caso administrativo y criminal el cosa hay emfrenta el tal myembro del policia que fuede sila cuji ta usa peke papeles para fuede obtene el diila promosyon na ranggo como un myembro del PNP.
Este el reaccion de Senior Supt. Neri Vincent Ignacio desfues sabe na Campo Crame cay chene de esos cuantos mga pulis que ya man apply na promosyon el ta usa peke papeles de aqui na ciudad y rehiyon nueve.
Nuay man revela el hefe si quien esos, pero bajo ranggo lang estos asegun y ta agara ya sila el de estos documentos y ta man proceso ya el posible acsyon administrativo sila hay hace como pena del mga violador.
Falcificaccion del mga documento publico y un mal-ejemplo el cosa ya hace estos cuantos mga pulis que ya usa peke papeles para fuede lang subi el ranggo, un cosa que hinde acceptable na organisasyon asegun pa con Ignacio. – *Bhong Simbajon/RMN News*
