Salesman, binaril-patay sa isla it Boracay

Kalibo, Aklan — Patay rong sangka salesman matapos nga barilon kabii sa sangka peryahan sa may Sitio Bolabog, Brgy. Balabag, Boracay.

Ro biktima nakilaea kay Daniel Lagayada, 34-anyos, salesman it Prince World Marketing, residente it Roxas City ag temporaryo nga nagadayon sa andang staff house sa may Barangay Manocmanoc.

Sa pakikipag-angot it RMN DYKR kay PO1 Tamagos nga base sa andang imbestigasyon naga guwa nga 9 tanan ka mga tama rong naangkon it biktima halin sa ginapatihan 12 gauge shot gun.


Gindaea pa sa Ciriaco Tirol Memorial Hospital rong biktima pero gin deklara nga dead on arrival.

Sa makaron hay padayon pa rong follow up ko mga taga Boracay Tourist Assistance Center (BTAC) para masayuran kon ano rong motibo sa nasambit nga krimen ag makilaea kon sin-o rong responsable nga nagbaril.

Facebook Comments