Davao City – Nakaangkon og samad dinungaban ang usa ka helper sa mekaniko human giluba alas 11:00 sa gabii didto sa Villa Abrille St.Brgy 30-C siyudad sa Davao.
Base sa report gikan sa Sta Ana PNP naila ang biktima nga usa ka Roy Pedro, 40 anyos nitibo nga taga Talisayan, Misamis Oriental samtang ang suspek nailang Welstir Enriquez, hingkod ang edad ug walay kumpletong address.
Matud pa, sa dihang pauli ang biktima sa ilang pinuy-anan giatangan kini sa suspek dayon gidunggab tumong sa walang kilid sa lawas.
Gisuwayan pa og ilog ang kutsilyo sa biktima apan ang suspek abtik nidagan padulong sa wa masayring lugar.
Human sa hitabo ang biktima daling midangop sa presinto uno dayon nagpatamabla sa balay tambalanan.
Si Pedro pursigido nga mupasaka og kaso batok sa suspetsado.
RadyoMan Don Pulayao
